Yunus Əmrənin Şeirlərindən: Təsəvvüf

Mən bunda dayanar deyiləm,

Dost qatına çatmayınca,

Güssədən (qəmdən) könülüm açılmaz,

Dostun yüzün görməyincə.

Bilərəm cinayət, günahım çoxdur,

Mənim yalvardığım ol gani Haqqdır,

Mənim heç kimdən istəyim yoxdur,

Mən muradım Allahımdan istəyərə

Mən mənliyimdən keçdim,

Gözüm hicabın açdım,

Dost vaslına çatdım,

Gümanım yağma olsun.

Seyrimdə bir çay gördüm,

Hər gür rəhmət onda var,

Haqqa çatmaq istər sənsə,

Ol çayda yunda var.

Yenə soruşdum çiçəyə, boyun nədən əyridir?

Çiçək eydür, dərviş, ürəyim Haqqa doğrudur,

Yenə soruşdum çiçəyə, Yunusu bilərsənmi?

Çiçək eydür, ey dərviş Yunus qırxlar yarıdır

Bizdən əvvəl gələn üçlər, yeddilər,

Münafiqin sözü şəkdir dedilər.

Tövhidlərdə dönmək haqqdır dedilər,

Ya mən Haqq yolunda dönməyimmi?

Ər əlini aldın isə,

Ərə könül verdin isə,

Təsdiq edib dayandın isə,

Bəs geri inkar lazım deyil.

Qazilar, müftilər cümlə gəldilər,

Kitabların bir yerə qoydular,

Sən bu elmi kimdən aldın dedilər?

Bir kamil mürşidə çatmasansa olmaz.

Sənsən Kərim, sənsən Rəhm,

Allah Sənə təqdim etdim əlim.

Ucalardan uca qırxlar dağısan,

Səhərin günəşi tez dəyər Sənə

Addım-addım irəli,

Bu aləmdən içəri,

On səkkiz min hicabı,

Keçdim bir dağ içində.

Açdım Məkkə qapısını,

Duydum ol dost qoxusunu,

Ərmişlərin hamısını,

Gördüm bir dağ içində.

Yunus eydür gəzərəm,

Dostilədir bazarım,

Ol Allah didarın,

Gördüm bir dağ içində.

Bildin məni, tapdın Onu,

İnkar edən gəlsin bəri.

Məni irşad edən,

Mürşidi kamil,

Yapışdım əlinə,

Dönməzəm ayrı.

Şeyxin qatındadır dayanacaq,

Gəl dosta gedək könül.

Gözüm Səni görmək üçün,

Əlim Sənə çatmaq üçün,

Bu gün canım yolda qoyam,

Sabah Sənə çatmaq üçün.

Bu eşq meydanı içində,

Çağırdım bir avaz itdim,

Müəzzinlik bizim oldu,

İmam oldum, uyğun gələn gəlsin.

Bu gözlərəm dost üzünə,

Baxa gəldi, baxa gedər.

Mən dost camalı görmüşəm,

Hüri cənani neyləyəm.

Aşiq Yunus məşuquna,

Vuslat tapınca məst olar.

Yetmişmin hicab keçdim,

Gizli pərdələr açdım,

Ol dost ilə birləşdim,

Tapdım bir dağ içində .

Halət ilə mənə bir eşq yönəldi,

Allah deyərlər bir məclisə uğradım.

Tutun qulaq nəql edim sizlərə,

Allah deyərlər bir məclisə uğradım.

Məhəmməd səhabələri, yaranları,

Anda hazır olmuş, gördüm onları.

Vəcdə gəlmiş təriqət ərənlərı,

Allah deyərlər, bir məclisə uğradım.

Aşiq Yunus Haqqa çatdın çox şükr,

Gördün Məhəmmədin nurunu balkır.

Ömər, Osman, Əli həm Əbubəkr,

Allah deyərlər bir məclisə uğradım.

Oxuma bu elmin üzün,

Elm əməl ilə güzin,

Aç canından batın gözün,

Aşiq məşuq üzünə bax.

Dağa düşər kül edər,

Könüllərə yol edər,

Sultanları qul edər,

Cürətli hədəfdir eşq.

Yetmiş iki millətə,

Bir göz ilə baxmayan,

Şərin övliyasıyla,

Həqiqətdə asidir.

Aşiq oldum çatana çatmaq ilə,

Haqqı tapdım, mən əri tapmaq ilə,

Ərə ərdim, ərdə tapdım məqsudum,

Tapa bilmədim taşradan soruşmaq ilə.

Nədir şol etdiyin fikir?

Dilindən getməsin zikr.

Quru idik, yaş olduq,

Ayaq idik, baş olduq,

Qanadlandıq, quş olduq,

Ucduq əlhamdulillah.

Ey dünyaya aldanan!

Xeyir ilə lütfkarlıq hanı?

Unutdun bu axirəti,

Şəfaət, iman hanı?

Aşiq Yunus Səni istər,

Lütfeylə camalın göstər,

Camalın görən aşiqlər,

Əbədi ölməz Allahım.

Yunus Əmrənin Şeirlərindən: Təsəvvüf

Radyolar